اسرائيل: شوفولكوا حل في موضوع الملثم ده، الغاز اللي واصلنا بقى ضغطه ضعيف قوي، فيه شقه في الدور ال 20 مش واصلها غاز
مصر: بس كده انتوا تؤمروا
مصر (للشعب): لقد قررت الحكومه المصريه قطع الغاز عن اسرائيل
اسرائيل: يخرب بيتك احنا ماتفقناش على كده
مصر: ماتخافش، ده بس على ما نصلح كل خطوط الغاز اللي واصلالكوا و نأمنها بحيث لا الملثم ولا الجن الازرق يعرف يوصلها
اسرائيل: و هاتاخدوا وقت اد ايه؟
مصر: يادوب، هما شهرين ثلاثه بالكتير و كل حاجه ترجع زي ما كانت و احسن كمان
اسرائيل: يا سلااااااام!!! شهرين ثلاثه؟ و انا هاعمل ايه بقى في المده دي؟ انت عايزني اشتري من الخليج غاز بسعر السوق ولا ايه؟ انت اتجننت؟
مصر: و هو انا برضه انسى حاجه زي كده، و احنا بنتكلم دلوقتي فيه 10 سفن محمله غاز جايالكوا في الطريق هاتوصل بعد ساعه من دلوقتي، فيها غاز يكفيكوا على الاقل 6 شهور احتياطي
اسرائيل: اه باحسب يعني، ايوه كده اتعدل، والا …… انت عارف
مصر: طبعا طبعا، و هو انا اقدر اعمل حاجه زي كده برضه

Advertisements